×| قرآوة هوليوود بالصور |×

**:: حلا القصيم ::** · 05-11-2008, 01:32 AM

مرحبـــا ..

موضوعي فش خلق في بنآت قريح إللي بنآتنا

حآطينهم قدوتهم بالفآشن ولو تحاتسين وحدتن منهم مدت لتس لسانهآ

وقالت لو سمحتي لاتنآقشيني أنا مآسكهـ خط الموضهـ الهوليوودي !!

أي هوليوود وأي بطيخ ياعمتي !!

لعنبوا الشيطان هاللحين سلق هوليوود ماعآد ينفعن

أناقتهن خلاص بح يعني nonsense

عزيزاتي .. موضوعي عبارة عن موضوع فاشن و موضه

بس مو اي موضه و فاشن !

إنها موضه من نوع آخر يعني موضه قرويات ..

يعني ماقد مره رحتي لزواج ولا حفله ولا زوارهـ ومن هالقبيل

وحسيتي شكلتس بايخ و تحسفتي انتس رحتي وقلتي بقلبتس حسبي الله على اللي عزمني !!!

انا متأكده انتس اذا شفتي بعد شوي الصور { أدنآهـ .. بترتاحين كثير

موب عشان الازياء اللي فيه قرويه و بس !

إلا عشانها كانت قرآوه وخلقنهـ يآبعدي أنتي ويآها

غير كذا فيه عالم شرشحتهم و خلتهم

مايسوون شحاطة حمام ( اللهـ يكرمكم )

يعني فشيله تتوارثها الأجيال

أنا عارفهـ قد إيش تعني لنا هوليوود بسحرها ورونقها وكشختها و إن كل وحده فينا تحلم وتقول

حلالآت لو اصير مشهوره مثل فنانات هوليوود ..

وألبس وأكشخ زيهم و مصممي الأزياء يتهاوشون عشان يلبسوني

أي فستان يعجبني

وأهم شي أسوق سياره على كيفي

( وجه يقول عجل علينا يا ابن زلفه )

نبدأ هاللحين بإستعراض بعض الأزياء ذات الصيحه لالالا موب صيحه

إلا زعقه قرويه

خخخخخخخخخخخخ مادونا ماأقصد المغنيه إلا لاعبة الجمباز
مادونا عندها هوس الشباب مستعده تبيع حلالها كله عشان بس
تبقى صغيره
شوفوا شكلها زياده على انه غبي إلا وقفتها صارت معوقه تقل فيها كُساح
وزياده على كذا لبسها يدعو للبكاء بصوت جهوري

ياربي رباااااااااااااااااااه انا مادري شلون سطت تطلع من البيت
ديمي مور كسرت جميع القواعد و النحو والنصوص
أنتم بس ركزوا على الشورت الضيق ولاااااا بالطرف من تحت فيه كلفه بعد
ولاعاد البطانه المشجره إللي تحت أتعب وأنا اقول إرحميييييييييينآ
يعني فستان فيه جُرأه كبيره لإن الديزاين خرافي ولاتهون
قصة الصدر ديمي وإللي يرحم وآلديتس لاعاد تعيدينها

عاااااااااااااااااااااد هالمآخوذهـ حالتها إستثنائيهـ بعنف
الله لايوفقتس خلصت الموضآت يومتس تقلبين بدلتس يالجنطـ
صدز لاقالوا ( تملكـ بصراً لكن تفتقد البصيرهـ )
( موب عشان صوتس حلو وخاقوقي تحسين إنتس ملكتي العالم )
يآخي بعض الفنانات أحس إن إللي يلبسهم عدو موب مصمم !
خذوا مثلاً هالشكل اللي ظهرت فيه سيلين ديون وهي ترتدي بدله مقلوبه
توحي بأنه ياإنها لابستها وهي محششه ولا لابستها وهي محششه
لااااا زود على هذا لآحظوا بس إنها ملتفته تورينا الموديل من وراء
يعني من كثر مالموديل جآيز لها شكلها قامت تستعرض
طبعا محد يقدر ينكر النظاره الشمسيه اللي من كثر من انشغلنا
باللبس بغينا ننساها

( عسااااااااااااااااااااتس للمّر إللي يقطع تسبدتس يالأراجوز )
إيلين يا إيلين
ساعه وأنا أحاول أستوعب شكلها وماقدرت يمكن عشان عقد اللولو
اللي داخل عرض !!! :icon_eek:
وإلاعشان الوقفة إللي تعذب القلب والتي إتضح أخيراً إنها تقليد للوقو اللي وراها
انا عارفه إنتس ليز ليز بس هذا شي مايمنع
إنتس تصيرين تكانه شوي وتتركين حركات الإستهبال ترا مابينتس وبين جدتي شيء
الزبده { ياملحلتس وأنتي سمينه }

يتبـع }

**:: حلا القصيم ::** · 05-11-2008, 01:34 AM

جوس ستون ترتدي مطرحه !!!
مسكينه هالبنت عليها حظ أردى من حظ النصر <= لتس عين تحتسين بعد الأربعهـ
يعني تحاول تسوي فيها كول وبنوته هوليووديه
بس موب لآيق عليها أبدن أبدن وعلى ماقالوا ياشين السرج على البقر
أبغى بس أعرف يوم إنها فاتحتن يدينها ( جعلها الكسار ) كذا ليه هاااهـ !!!
الزبده إنها تقل لابستن مطرحه ( مفرش ) لغير الناطقين بالعربيه

عساااااااااااااااااااااااتس ماتنشطين يالسلقهـ
ودتس نقول : كيم باسنجر ياقوووووويه !!
مدري وش أوصف ووش أخلي ؟ الكموم الخطيرهـ وإلا لون الفستان المدمر
إللي تقل إنهم كبوا عليهـ نيل غسيل ثمن شطفوهـ بالمويه عالسريع
أمانتكم موب تسنه ثوب زواج المصريات إللي لازم يصير أبيض على نيلي
ولو سمحتم الفستان متعوب عليه تررررررى .. الله يعظم أجر اللي خايطه بس
هالفستان مفتوح من فوق ولابسه فوقه نصف جاكيت ( يقولون خلص القماش على المصمم )
والجهه اليسرا إللي مافيها جاكيت لابسه فيها قفاز
مسويه فيها توازن .. بس فاتها الفستان موب مكوي زين معفط

هالفستان الخمري تبع سيلا
يعني زياده على المستطيلات إللي تخلي حجم الجسم كبير
إلا إن اختنا بالله تحب الستر !! ما شاءلله لابستن سترة وقايه
مماجعل شكلها مضطرب وغير مريح للرؤيه
وصايره مزحومه مرهـ تقل طريق الملك فهد بعز الظهريهـ

<= تدربى من الضحكـ
ماسي قراي لابستن هالفستان المزركش إللي
مدري وش يبي !!! :icon_eek:
يعني أنتي بنت عفواً أقصد مرهـ عريضه المنكبين ماله داعي تلبسين
شي يعرضتس زياده
غير كذا حركات الطبقتين إللي مسويتها تحت
يعني غصب أنا كيوووووووووت .. خخخخخ أصلا ماتجي كيوت على لحجيهـ !!
بعدين طول الفستان موب حلو .. ياتقصرينه أكثر من كذا ولا تخلينه أطول
( وجه يقول الضرب في الميت حرام )

ياااااااااااااااااااااااااااااااااااوجهـ الله :icon_eek: :sm5:
خلصنا من المتخلفهـ إللي فوق وجينا لهالعاههـ
لعبوا شيطانها قسم كأنها أباجورهـ على هالألوان !!!!!
خالتنا ماري بلج متحمسه على بداية الموسم
سبحان الله مدري ليه اللحوج يحبون الألوان الفاقعه !!
الفرو TOO MUCH يعني زياده عن اللزوم .. ولونه يوجع العيون
وتكفون لحد يفوته الصندل الفسفوري .. متعوووووووب عليه بصراحه
أتوقع لو بفتح دولابها لازم ألبس نظارهـ شمسيه

بالله وش تحسون اول ماتشوفون هالصوره ؟؟
وقسم بالله لو يحطون وجهها وجه دعائي لجمع التبرعات
كان يجمعون بيوم واحد خمسين مليون
مدري وش الله حادها على هالشغل
أهم شي تعبانه على التطقيم بين البوت و الشنطه
يعني ماكفاتس الزحمه والخرابيط إللي على اللبس
تروحين تلبسين بوت و شنطه تايقر
فضييييييييييييييييعه واللهي !!

وخروووووووووووووووووووووا جتكم الصحيحهـ
جين ديفس :icon_eek: مدري تستهبل ولا صادزه !!
الذيل إللي من ورى مسوي آكشن موب طبيعي
تحسون الفستان كأنه دريم ويب إللي يجي فوق الكيكـ صح
ولايفوتكم الشوز إخيتار أليم إنصدم بالواقع القاسي

ترفقي عليناااااااااااااااااااااااا يابنت
بريتني وبالكم الطويل !!!!!
هذا الخبر إللي من زمان ماقريناهـ
لاااااااااا و فستان قوس قزح يعني كل ماتلتفت يطلع لك لون متلألئ
وأهم شي الشك والتطريز إللي على الصدر
فستان يشبه الفساتين إللي يلبسونها البنات حقات فوزاير
رمضان إللي على قناة السعوديه منول

ياويلي ويلاااااااااااااااااااااهـ
جينا لثقل الدم الغليظ الذي لا يقبل التخفيف
جينيفير لابستن لي حركات فضائيه غير طبيعيه
الشي إللي لابسته فوق ولونه فضي
إحتاروا فيه العلماء مايدورن وشو !!
أحد قال طاسه وإللي قال بقايا صحن فضائي
أهم شي لايفوتكم إن الفستان فيه مخبات ههههههههه
إنتبهوا ليدها وينها فيه ؟ يعني فستان سهره وفيه
مخبات مابعد صارت بصراحهـ إلا بمراييل الإبتدائي

تشارليز ثيرون صحيح إنتس حلوهـ وجمالتس فتاك
بس فستانتس هذا مدري وش يبي في الحيااااااااااااة
خاصه الفيونكه إللي بآغيتن تشق أذنتس !! أدري متعوب عليها بس شينه
وإلا القصات إللي تحت ؟؟ أحس كأنها زحاليق حديقة سلام
الفستان فيه تكلف كثييييير وشين و وع وباد وكل شي سامج

بآميلا أندرسون تسمعييييييييين بالستر قسم بالله
وش فيها كذا تقل مغيوله والشعر مسوي إزدحام على الجانب الأيمن
ودي بس أشوفها وهي تلبسه أحس ضاعت بين الصدر و الكم
تحس إن الفستان كتمهـ مره ومخلي بآميلا على غير طبيعتها
يعني متعودين عليها والصدر مشرف قبلها بخمسة أمتار

( ساره ) سويره .. معشوقه المراهقين ورآعين حركات التكفيخ
مسويه فيها أم الرواقهـ وجايه بهالفستان الأزرق
الفستان شارح نفسه مايحتاج شرح
بس النظارة الشمسيه جايه بزمان و مكان غير ملائمين أبدا

الدرابيهـ مسوي سوايآهـ بهالموديل !!
يعني درابيهـ من ساسها لراسها
فستان هرمي لا إلهـ إلا اللهـ عليهـ أحس إن وزنه عشره كيلو
تخيلوا كل هذا درابيهـ .. يعني كم قماش أخذت
بس أتوقع إنها حاطه كفرات من تحت بحيث يصير أسهل للتنقل

تبغى هروين ! حشيش ! مخدرات !
كله متوفر عند فيونا صاحبة الصوره أعلاهـ !!
ياتسبدي تسبدااااااااااهـ .. صدز صدز مدري وش القصهـ :icon8:
مدري هي تحتك بالصينيين ولا أهل تايلند
بس الأكيد إنها تخوف وتوثمت بالخلق لاااااا وجايه حفل ميوزك يعني مفروض
تصير كوول و فرآيحيه موب كذا تقل من بنات المعهد الماليزي
للإكتئاب وشرب الشيشه

ختاماً ياعزيزتي
هذه بعض من الأزياء التي اجمع الجميع على مدى قراوتها
حبينا نستعرضها لكم
و إننا نربأ بكِ أن تكوني وقعتي بمثل مطب هالفنانات
ونتمنى لكـِ أزياء و فساتين راقيه بعيده عن الغباء والتكلف
ونتمنى أن يكون هالتقرير التحذيري البسيط نال إعجابكـِ
ودمتي كشخه

مَ ــنقول ..

ودّي / حلا
..

**smiley** · 05-11-2008, 12:32 PM

هههههههههههههههههههههههههههههههههههههههههه
التعليق خطيير هههههههههههههههههههههههه

وربي فيه لبس ابيخ من كذا بكثييييييييير ..

شيء مافيه امل نلبسه .. لو يعطونا مليون ..

<<يله عاد يالخبله مليون .. << لو يلبسونتس خيشه .. لبستيه علشان المليون خخخخخخخخخخخخخ

بس فعلا لبس ماله امه داعي ...

حتى المشكله الحين الاسواق صايره فساتينهم زي كذا ..

مانقول الا الشرهه على المهبل اللي يقلدون تصاميم بايخه زي ذي ..

يعطيك العاافيه حلا ..

**الحنــونـهـ ~** · 05-11-2008, 02:07 PM

واخيرآآآآآآآآآآآ طلعت الصور

لآآآآآآآ بعد ياليتهــآآ ماطلعت والله

من جد وش ذآآ !!!!!

لو أيييييييش ماقربه ..

حلّووو

ترى حجزتلك الاصفر من عندي هديه شرآآآيك موفلللهـ اكيد عجبك صح

والأبيض تررررررروف

..

من جد الحين هالأيــــآآم الأسوآآق زي ماقالت

سمآيلي .. مرررهـ خربت زي كذااا اغلبهـآ والاسعـآر نآر على قطعه شفافه !! ..

ايه بس قآآبليني حلآآآ لو اجي هاللي شفته

.

يعطيك ربي الف عافيه عالموضوع الممتع .

دمتي بخير

.

**:: حلا القصيم ::** · 05-11-2008, 02:40 PM

هلا سمايلي ..

و الله انك صادقة السوق مرررره قرف هالأيام ..

ربي يعافيك قلبك يالغلا ..

يسلموو ع المرور ..

لآ عدمنـاه يا رب ..

**:: حلا القصيم ::** · 05-11-2008, 02:44 PM

أقول ارحمينا يا بنت الناس

صدق اني احب الأصفر بس موب كذا قراوة الله لا يبلينا

و انتي يصلح لك حق ماسي قراي الذهبي

يسلمووو حنّوو ع المرور ..

عسانا ما ننحرم هالطله الحلوه ..

**بخ9** · 05-11-2008, 08:57 PM

اقتباس:


	لعبوا شيطانها قسم كأنها أباجورهـ على هالألوان !!!!! خالتنا ماري بلج متحمسه على بداية الموسم سبحان الله مدري ليه اللحوج يحبون الألوان الفاقعه !! الفرو TOO MUCH يعني زياده عن اللزوم .. ولونه يوجع العيون وتكفون لحد يفوته الصندل الفسفوري .. متعوووووووب عليه بصراحه أتوقع لو بفتح دولابها لازم ألبس نظارهـ شمسيه

ههههههههههههههههههههههههههههههههههه
ههههههههههههههههههههههههههههههههههه
ههههههههههههههههههههههههههههههههههه

الله يرجك حلّو

والله التعليقات توسع الصدر

صحيح انا مالي علاقة بالموضوع

بس قلت أدخل واوسع صدري

**:: حلا القصيم ::** · 05-12-2008, 08:26 PM

ههههههههههههه حياك ابو خالد ..

لا عادي لموضوع موضوعك شرف و وسع صدرك بأي وقت

حياك ..

مركز رفع الملفات والصور	سجل الزوار	للإعلان لدينا	الصفحة الرئيسية
القرآن الكريم	الاعشاب الطبية	تولبار	استرجاع كلمة المرور
دعم فني	بحث عن دومين	خدمات المواقع	قروب

لوحة الشرف
أفضل موضوع	أفضل مشرف	أفضل عضو	أفضل قسم
? َِ× لـ وٌ بآَّقـي لـ ن ـا ذَ كَـرى×َِ ?	لا يوجد	ROSE	[MSN]..عالمـ الماسنجر..[MSN]

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
مشاهير ساعات (( 2 )) بالصور	بخ9	ســاعـات الترفيـه والضحـك	59	06-23-2008 03:19 PM
شوف البنات اذا عصبو >بالصور<	حالف مايخون	ســاعـات الفن التشكيلي والفوتغرافي	9	03-25-2008 09:48 PM
158 موقع تهتم بالصور ....	شرقاوية	ســاعـات الفن التشكيلي والفوتغرافي	6	03-02-2008 08:04 PM
ثـعبآن عـ طريق القصيم (بالصور)	آآنعم نعومه	ســاعـات إخبــاريـة	9	02-20-2008 12:09 AM
مدينة الحب الفرنسيه ...بالصور ..	S ! M P L E	السياحة والسفر	8	12-18-2007 04:12 AM

الذين يشاهدون محتوى الموضوع الآن : 1 ( الأعضاء 0 والزوار 1)